《柯南》长期休刊！传终极大Boss食用APTX4869变身隐藏身份？
之前《魔卡少女樱：透明牌篇》
宣布2018年1月7日播放
令可乐君身边D中年少女异常兴奋
有生之年见到小樱小狼有情人终成眷属
大家都露出咗「老母亲」一般嘅微笑
讲到「有生之年」系列
可乐君谂起另一部经典《名侦探柯南》
好多80、90嘅朋友
连仔都生埋依然未等到结局
要睇结局
恐怕遥遥无期
皆因《柯南》作者青山刚昌
宣布长期休刊
fans既担心青山老师嘅身体
又好担心睇唔到结局
大家好，我係青山刚昌！
为咗养病、充电，《柯南》从下期开始将进入长期休刊。
今年出嘅《唐红的恋歌》、《魔术快斗：太阳光晕篇》、1000话纪念嘅《红之休学旅行篇》等等嘅作品......爱情喜剧能量全开，觉得有啲努力过头（笑）
但付出嘅努力，都值得吧？
所以要暂时休息一下，大家等我啊~
青山老师日夜赶稿真係好chur
此次休刊之前
《柯南》漫画曾于2015年3月短暂休刊过
当时青山老师因手术入院而无法作画
今次休刊唔知要休几耐
希望老师可以快啲恢复啦！
《柯南》自1994年连载至今近24年
春夏秋冬唔知换咗几多季
柯南依然係一年级小学生
其实追咗咁多年
都係想知边个係幕后大Boss
柯南回唔回复真身都已经唔紧要啦
well
就喺休刊前推出嘅第1008话中
疑似幕后大Boss惊现！！！
柯南同爸爸工藤优作等人嘅推理中
大Boss好可能係漫画、TV版中
都曾出镜嘅黄金别馆主人乌丸莲耶
12月13号《周刊少年SUNDAY》特别发布嘅
「青山刚昌《名侦探柯南》揭秘『那个人』的作画短片」中
记录咗青山画下BOSS嘅「历史性时刻」
其中一段对话都透露出大Boss身份
非常可能就係乌丸莲耶！！！
特别注意字谜线索
「MASCARA」（睫毛膏）同「CARASUMA」（乌丸）
每次传出大Boss嘅消息
都会引起柯南迷激烈讨论
阿笠博士、小五郎都传过係大Boss
今次呢个Boss
究竟坚唔坚呢？
讲番呢个乌丸莲耶
佢究竟係乜水？？？
点解好似冇咩印象咁嘅？？？
原来佢至今只于2000年
「黄金别馆」案件（漫画305话《惨剧》）
现身过一次
乌丸一直活于其他人嘅叙述中
本人实际并未露面
如果唔係超级忠实fans
真係对佢冇咩印象啊
乌丸係半个世纪前一位大富翁
黄金别馆嘅主人
99岁时「离奇死亡」
有传佢建立暗中建立组织
就係为咗开发长生不老/死者复生嘅药物
而该药物嘅半成品
可能就係APTX4869
佢可能好似柯南、灰原哀一样
吞食药物后身体产生变化
以另一人嘅身份存活在世
emmm......
有睇《柯南》嘅fans
脑洞都非一般咁大
个个推测都讲到似层层咁
可乐君都唔知信边个好
另外，青山老师早于2006年声明
Boss名字一早已经出现喺原作
2012年更表示係全名出现
而姓乌丸嘅人只有乌丸莲耶
论财力乌丸确实够班做幕后大Boss
你睇佢栋黄金别馆就知有几豪
论神秘佢资料少之又少
画面又净係得佢个轮廓
如果青山话乌丸就係幕后大Boss
虽然唔一定令所有人接受
但都总算係大Boss合理人选
就算俾你知道Boss係边个又点
唔通爆咗个名出嚟你就满足咩？
关于Boss现时嘅消息依然未知
谜团一样要慢慢解开
咁样解一解，可能一世都解唔到啊
所以话，唔好随便入坑！
你哋追紧边啲「有生之年」系列？
留言同我哋分享下啦！
官方微信：可乐生活color(colorcolor818)
官方唯一商务合作QQ：1902182069
- 长期吸烟，身体6个地方“先坏”!医生很少一次性说
- 好男人找不到女朋友的四个原因，中两上以上，你会长期单身！
- 【原创】中国经济长期增长路径、效率与潜在增长水平
- 男人长期单身的六种心酸体验，你中了几个？
- 坚持做到这3点 长期保持健康的体魄并不难
- 建议降低预期值选择中长期定投 明星基金产品被疯抢
- 令人心疼又怜惜,柯南里小哀对柯南这段深情告白让人感动
- 澳洲华人请注意！国内银行卡长期不用，就算卡里没钱也会出事儿！
- 未来3个月内，你将有一个长期锁定中高收益的机会!
- 《名侦探柯南》中让人印象深刻的死者，最后一人是被柯南所杀！